Koperasaun SHC ho USAID Projeitu Avansa Agrukultura ohin hahu Halao Treinamentu Nutrisaun ba Grupu To'os iha Munisipiu Ainaro

Ainaro, 5 Marsu 2018 - Koperasaun SHC ho USAID ho peridu Dezembru 2017-Setembru 2018 hetan mandatu atu fornese treinamentu nutrisaun ba Grupu to'os nain spesifiku liu ba uma kain sira ne'ebe benefisia husi Povu Amerikanu liu husi Programa USAID nia Projeitu Avansa Agrikultura iha Munisipiu Ainaro Postu Hatudu, Ainaro Villa, Hatubuiliku no Maubesi. 

Antes Fasilitadores sira fasilita treinamentu iha baze hetan uluk formasaun ba manual Nutrisaun husi USAID liu husi Projeitu Avansa Agrikultura iha fulan Janeiru 2018. Pakote Materia iha Manual fasilitadores nebe'e aprende no sei fasilita ba to'os nain sira kompostu husi: Malnutrisaun, Nutrisaun, Susu ben inan nian, Aihan seguru, Higine no Sanitasaun no Demonstrasaun tein. 

Dadus grupu to'os nain sira ne'ebe oras ne'e iha ona SHC husi area sira; total uma kain nebe'e sei partisipa iha treinamentu hamutuk 418 husi Grupu hamutuk 51. Iha kontratu koperasaun planu ba Grupu 60 maibe registradu ona foin iha 51 tamba grupu balun la ativu ona. 

Faze dahuluk Periodu Marsu - Abril fasilita treinamentu Nutrisaun halao ba Grupu 20 iha Postu Administrasaun Hatudu nebe'e sei kobre grupu sira iha Suku Foho Ailiku, Leolima no Casa. Prosesu treinamentu dahuluk hahu husi Grupu Asosiasaun Buiridu no Grupu Laho iha Suku Ailora. 

Prosesu Treinamentu Nutrisaun Sesaun  Dahuluk iha Grupu Laho

Prosesu Treinamentu Nutrisaun Sesaun  Dahuluk iha Grupu Asosiasaun Buiridu